تاتارستاننىڭ استاناسى قازان قالاسىندا 5 قىركۇيەك كۇنى باستالعان مۇسىلمان فيلمدەرىنىڭ كەشە جابىلۋ سالتاناتى بولدى. اتالعان مۇسىلمان فيلمدەرى فەستيۆالىنە 56 ەلدەن 513 فيلم قاتىسقان. 10 رەت وتكىزىلىپ وتىرعان فەستيۆالدىڭ  باس جۇلدەسىن حورۆاتيانىڭ «حاليمانىڭ جولى» اتتى كوركەم ءفيلمى ەنشىلەگەن. بۇل تۋرالى ترت-قازاق ارناسى جازدى. فەستيۆالدىڭ بايقاۋىنا بارلىعى 20 فيلم، 20 دەرەكتى فيلم جانە 10 انيماسيالىق فيلم قاتىسقان.

تۇرىك رەجيسسەرى فايسال سويسالدىڭ «ءۇش جول» اتتى ءفيلمى تۇرىكسوي ارنايى جۇلدەسىن ولجالاعان. ۇزدىك رەجيسسەر اتالىمىندا برازيليا مەن ليۆاننىڭ ورتاق ءفيلمى «سوڭعى ايالداما»، ۇزدىك اكتريسا اتالىمىندا بەلورۋسسيانىڭ «بابۋ» كينوفيلمىندە ويناعان تامارا ميرونوۆا، ۇزدىك اكتەر اتالىمىندا تاتارستاننىڭ «قۇربان-رومان» ءفيلمنىڭ اكتەرى دانيل شيگاپوۆ جۇلدەگە يە بولدى. رەسەي مۇفتيلەر كەڭەسىنىڭ باستاماسىمەن 2005 جىلى باستالعان اتالمىش فەستيۆال رەسەي، ءارى الەم قوعامىنىڭ يسلام جانە مۇسىلماندار جونىندە دۇرىس مالىمەت الۋىن ماقسات ەتەدى. 

قامشى-اقپارات